शनिवार, 13 फ़रवरी 2016

कारिकोटेको दोस्रो साधारणसभा तथा बनभोज कार्यक्रम संपन्न

बुटवल फाल्गुन १ - स्याङ्जा कारिकोटे तराईबासी मगर समाज, बुटवलको दोस्रो साधारण सभा तथा बनभोज कार्यक्रम हिजो माघ २९ गते भब्यताको साथ संपन्न भएकोछ । सो कार्यक्रम प्रमुख अतिथी हनेरी क्याप्टेन जग बहादुर रेश्मी जी र अधक्ष्य हनेरी क्याप्टेन श्री नैनसिंह रानाले दिप प्रजोलन गरि आरम्भगरिएको थियो। जसमा संगठनका उपाधक्ष्य श्री चुम बहादुर लामिछाने जीले सबै सहभागी शेयर सदस्यहरुलाई मन्तब्य मार्फत स्वागत गर्नुभएको थियो। 
त्यस्तै संगठनका अधक्ष्य क्याप्टेन श्री नैन सिंग रानाजीले बार्षिक प्रतिबेदन पेस गर्दै संगठन संचालन संबन्धित केहि महत्व पूर्ण बुदाहरु, सभाबाट बहुमतले पारित गराउनु भएको थियो। मन्तब्यको क्रममा बिशेष अतिथी एसएम एण्ड हनेरी क्याप्टेन श्री यम बहादुर सोमै, सल्लाहकार जंग झेडी, प्रमुख अतिथि हनेरी क्याप्टेन जग बहादुर रेश्मी जीले सभालाई सम्बोधन गर्नु भएको थियो। 
कार्यक्रममा ७५ बर्ष पुरा भएका शेयर सदस्यका अभिभावक हरु तथा एस एल सी परिक्षामा बिशिष्ट र उच्च श्रेणीमा पास भएका शेयर सदस्यका छोरा छोरीहरुलाइ बिशेष सम्मान गरिएको थियो। कार्यक्रमको उत्तराद्धमा भोजन साथै नाच गान, दोहरीले अझ रमाइलो बातावरण बनाएको थियो।

गुरुवार, 11 फ़रवरी 2016

नायिका नेहा हत्या विवरण चित्त बुझेन, पोस्टमार्टम रिपोर्ट सार्वजनिक गर : पुन समाज

पोखरा, २८ माघ । मगर चलचित्रकी नायिका योरुना पुन नेहाका आफन्तले उनको हत्यामा अन्यको पनि संलग्न हुनसक्ने आशंका गरेका छन् । पुन समाज नेपाल नगर समिति पोखराले बुधबार पोखरामा पत्रकार सम्मेलन गरी नेहाको बलत्कार पछि हत्या भएको बताएका छन् ।

नायिका नेहा हत्या विवरण चित्त बुझेन, पोस्टमार्टम रिपोर्ट सार्वजनिक गर : पुन समाजनेहाका मामा यमप्रसाद थजाली पुनले लाश अर्धनग्न अवस्थामा फेला परेकाले नेहाको बलात्कारपछि हत्या भएको हुन सक्ने भन्दै छानविनको माग गरेका छन् । उनले घटनाको पूर्ण रुपमा छानविन गरी दोषीलाई कडा कार्वाही गर्न समेत माग गरे ।
हिजो गरिएको पत्रकार सम्मेलनमा पुन समाज नेपालका उपाध्यक्ष खेमन पुनले घटनाको पूर्ण रुपमा छानविन नभए कडा आन्दोलन गर्ने चेतावनीसमेत दिए । समाजले नेहाको पोस्टमार्टम रिपोर्ट सार्वजनिक गर्नुपर्ने, घटनाको सूक्ष्म तबरले छानविन गर्नुपर्ने, अनुसन्धानपछि थप अभियुक्त पक्राउ गरी सार्वजनिक गर्नुपर्ने, घटनास्थलमा भेटिएका कपडा र थप सामानको अनुसन्धान र परीक्षण गर्नुपर्ने लगायतका माग राखेका छन् ।

कोलकाता बन्दरगाहबाट ३ दिनदेखि नेपालतर्फ कन्टेनर ढुवानी ठप्प


माघ २८ - भारतस्थित कोलकाता बन्दरगाहमा ‘दादागिरी शैली’ मा मुलुकतर्फ ढुवानीमा अवरोध सिर्जना गरिएको छ । बन्दरगाहबाट सडक मार्ग हुँदै हुने ढुवानी सोमबारयता रोकिएको छ । वीरगन्ज उद्योग वाणिज्य संघ अध्यक्ष प्रदीप केडियाका अनुसार कोलाकाता बन्दरगाहमा सडक मार्गका लागि ट्रक र टेलर उपलब्ध गराउँदै आएको त्यहाँस्थित ‘इन्डो नेपाल ट्रक टेलर्स एसोसिएसन’ ले अवरोध खडा गरेको हो । एसोसिएसन आबद्ध व्यवसायीले सोमबारदेखि बन्दरगाहको मूल गेटमा टेन्ट गाडेर नेपालका लागि कन्टेनर तथा बल्क कार्गो मालसामान बोक्ने मालवाहक ट्रकलाई बन्दरगाहमै प्रवेश गर्न दिएका छैनन् । 

गौरिकाले जितिन् एेतिहासिक रजत, व्यक्तिगत पदक ४ पुग्यो

२८ माघ, काठमाडौं । भारतमा जारी १२औं दक्षिण एशियाली खेलकुद (साग) को पौडीमा नेपालकी गौरिका सिंहले एेतिहासिक रजत पदक जितेकी छन् । बुधबार भएको २०० मिटर इन्डिभ्यूजल मिड्लेको फाईनल स्पर्धामा आफ्नै नाममा रहेको राष्ट्रिय कीर्तिमान सुधार गर्दे गौरिकाले रजत जितेकी हुन् । 
Gaurika-singसागको ३२ वर्ष लामो इतिहासमा नेपालले पौडीमा स्वर्ण जितेको यो पहिलो पटक हो । उनले २०० मिटरको निर्धारित दूरी उनले २ मिनेट ३३.२६ सेकेण्डमा पुरा गरिन् । यसअघि यस विधामा उनको नाममा २ मिनेट ३८.१७ को टाइमिङसहितको कीर्तिमान थियाे । यस स्पर्धामा भारतकी श्रद्धा सुधीरले २ मिनेट ३१.१८ मा दूरी पुरा गर्दै स्वर्ण जितिन् । बुधबारको रजतसँगै सागमा गौरिकाको व्यक्तिगत पदक चार पुगेको छ । १३ बर्षीया गौरिकाको सागमा यो पहिलो सहभागिता हो र उनले १०० मिटर र ५० मिटर ब्याकस्ट्रोक तथा ४०० मिटर फ्रीस्टाइलमा काश्य जितिसकेकी छन् । 

युएईको सारजहा जेलमा भेटिए ६ जना नेपाली

दुबई माघ २८। बैदेशिक रोजगारीका लागि संयुक्त अरब इमरेट्स आएका ६ जना नेपाली सारजहास्थित जेलमा बन्दी जीवत बिताइरहेको अबस्थामा भेटिएका छन् । एनआरएन यूएईको उद्धार टोलीले फेबु्रवरी १० तारिख सारजाको जेल भ्रमण गर्दा नेपाली युवाहरु जेलमा रहेको भेटिएको हो । एनआरएन अध्यक्ष सुदीप कार्की, उपाध्यक्ष रमेश श्रेष्ठ र महिला संयोजक कल्पना राईको टोलीले नेपाली दूताबासको अनुमतिमा जेल भ्रमणमा गएको थियो । यीमध्ये ४ जना महिला र २ पुरुष रहेको भ्रमण टोलीमा संलग्न एनआरएन उपाध्यक्ष श्रेष्ठले जानकारी दिएका छन् ।
हत्या आरोपमा जेल जीवन बिताइरहेका नेपाली पनि भ्रमणको क्रममा फेला परेका हुन् । पार्कमा रक्सी खाएर बसेको अभियोगमा एक जना, दुर्घटनाका कारण अर्को एकजना जेलमा परेको पाइएको छ । बाँकी तीन जना नेपाली भने बिना भिसा अवैधानिक रुपमा रहेको पाइएको छ । दुर्घटनाको मामिलामा चैतुङ तनहुँका योगी थरका पुरुष कैदी तीन महिनाको लागि जेल परेको एक साता भएको जानकारी पाइएको छ । त्यसरी नै नारायणघाटका तिवारी थरका नेपाली एक महिनाका लागि जेल परेको ४ दिन भएको बुझिएको छ । त्यसरी नै थापा थर भएकी बुटवलकी ४३ वषिर्या नेपाली महिला १० वर्षे सजायँ पाउँदै जेल परेको २ वर्ष ८ महिना बितिसकेको बुभिएको छ । रोल्पाका सार्की थरका नेपाली अवैधानिक रुपमा यूएई बसेको कसुरका आधारमा एक महिने जेल सजाय भोगेको ११ दिन भएको पाइएको छ । त्यसैगरी चितवनकी अधिकारी थरकी एक महिला बिना भिसा यूएई बसेको आरोपमा विगत ५ महिनादेखि जेलमा रहेकी छिन् । साथै झापाका भुजेल थरका एक पुरुष अवैधानिक रुपमा सारजहामा बसेको आरोपमा विगत अढाई महिनादेखि सारजहाको जेलमा रहेको एनआरएनको रेस्क्यू टोलीले पत्ता लगाएको छ ।

पराकम्पले फेरि तर्सायो, रेक्टरस्केल ४.६, केन्द्र सिन्धुपाल्चोक

२८ माघ, काठमाडौं । राति सुतेका बेला पराकम्पले तर्साउने क्रम अझै रोकिएको छैन । बुधबार राति सिन्धुपाल्चोक केन्द्रबिन्दु भएर ४ दशमलव ६ रेक्टर स्केलको पराकम्प गएको छ । राति १० बजेर १२ मिनेट जाँदा पराकम्प गएको राष्ट्रिय भूकम्प मापन केन्द्रले जनाएको छ । भूकम्पको धक्का काठमाडौं उपत्यकामा पनि महसुस भएको थियो ।
पाँच दिन अघि पनि रातिको समयमा सिन्धुपाल्चोक नै केन्द्रविन्दु भएर ५ दशमलव ५ रेक्टर स्केलको पराकम्प गएको थियो । सो पराकम्पमा भागदौड हुादा ७० भन्दा बढी घाइतेसमेत बनेका थिए । गत १२ बैशाखमा गोरखाको बारपाक केन्द्रबिन्दु भएर महाभूकम्प गएदेखि हालसम्म चार रेक्टर माथिका झण्ढै साढे ४ हजार पराकम्प गएको राष्ट्रिय भूकम्प मापन केन्द्रले जनाएको छ ।

बुधवार, 10 फ़रवरी 2016

भारतीय मन्त्रिहरुबाट कोइराला प्रति श्रद्धाञ्जलि


माघ २७ - छिमेकी मुलुक भारतले नेपालले देशका लागि जीवन समर्पण गरेका असल र सादगी नेता गुमाएकोमा दु:ख व्यक्त गरेको छ । भारतीय राष्ट्रपति प्रणव मुखर्जीले मंगलबार राष्ट्रपति विद्यादेवी भण्डारीलाई पत्र पठाउँदै कांग्रेस सभापति एवं पूर्वप्रधानमन्त्री सुशील कोइरालाको निधनप्रति गहिरो शोक व्यक्त गरेका छन् ।
‘नेपालले देशका लागि आफ्नो जीवन समर्पण गरेका असल र सादगी नेता गुमाएको छ, जसले नेपाललाई संक्रमणकालीन अवस्थामा नेतृत्व प्रदान गरे र नयाँ संविधान जारी गर्न महत्त्वपूर्ण योगदान दिए,’ राष्ट्रपति भण्डारीलाई पठाइएको पत्रमा भनिएको छ, ‘हामी सबैले उनको सादा जीवनबाट प्रेरणा लिनुपर्छ ।’ नेपाल–भारत सम्बन्धलाई नयाँ उचाइमा पुर्‍याउनसमेत कोइरालाको योगदान रहेको मुखर्जीले उल्लेख गरेका छन् ।
यसैगरी, मंगलबार बिहानै टवीट गर्दै भारतीय प्रधानमन्त्री नरेन्द्र मोदीले शोकसन्तप्त परिवार र नेपाली जनताप्रति समवेदना व्यक्त गरेका थिए । उनले कोइरालाको सरलताबाट सबैले पाठ सिक्नुपर्ने उल्लेख गर्दै कोइरालाको निधनबाट नेपाली कांग्रेस र मुलुकले एक शीर्ष नेता तथा भारतले बहुमूल्य मित्र गुमाएको मोदीले जनाएका छन् ।
मंगलबार नै विशेष विमानबाट काठमाडौं आएकी भारतीय विदेशमन्त्री सुष्मा स्वराज, राष्ट्रिय सुरक्षा सल्लाहार अजित डोभल, कांंग्रेस आईका आनन्द शर्मा, जनता दल युनाइटेडका शरद यादव र भारतीय कम्युनिस्ट पार्टीका नेता सीताराम येचुरीले पनि भारतीय जनता र सरकारका तर्फबाट कोइरालाप्रति श्रद्धाञ्जलि दिए । उनीहरू अन्तर्राष्ट्रिय विमानस्थलबाट सिधै दशरथ रंगशाला पुगेर श्रद्धाञ्जलि दिएका थिए ।

सपनाको पुनःमुद्रणबाटै मुलुक बन्छ र प्रधानमन्त्रीज्यू ?

मनिकर कार्की “निवर्तमान” माघ २७ - कुनै उपन्यास पढ्दा होस् या सिनेमा हेर्दा नै किन नहोस्, फटाफट दृश्य परिवर्तन भइरहँदा पढाइ र हेराइमा एकाग्रता अनि उत्सुकता पनि बढ्दै जान्छ । तर, त्यसको ठीक विपरीत पाना र पर्दाका दृश्य सर्दै सरेनन् भने पढ्न र हेर्न निकै झिँझो लाग्ने गर्छ ।
सपनाको पुनःमुद्रणबाटै मुलुक बन्छ र प्रधानमन्त्रीज्यू ?ठीक त्यस्तै राजनीतिको रंगमञ्चमा पनि एउटै दृश्य लामो समयसम्म देखिरहँदा दिक्क लाग्ने रहेछ । अहिलेको समकालीन नेपाली राजनीतिका दृश्य हेर्दा पक्कै पनि हामी सबैलाई पट्यार लागिसकेको छ । प्रधानमन्त्रीका उही ठट्यौली अभिव्यक्ति, नेताहरुका तिनै वार्ता र सहमतिका निष्कर्षहीन र निरर्थक प्रयास, टेलिभिजनका काँचका पर्दामा देखिने तिनै नेताहरुको धमिलो दृश्य, अखबारका पानाहरुमा टाक्सिएका तिनै नेताका रंगीन तर रङ उडेका तस्बिर, अनि रेडियोमा कर्कशमय ध्वनिमा बज्ने तिनैको भाषण । यी सबै श्रव्य, दृश्य र शब्दबाट शायद सबै दिक्क भइसकेका छन् ।

“हरेक राजनीतिक परिवर्तनमा सोझा मगरहरुलाई किन सेझ्याइन्छ ?”

नेपाल मगर संघ, हेम्जाका अध्यक्षमा लोकबहादुर
पोखरा, २७ माघ । नेपाल मगर संघ हेम्जा एकाइ समितिको आठौं अधिवेशन तथा १४औं वार्षिक साधारण सभाबाट अध्यक्षमा लोकबहादुर पुनमगर चयन भएका छन् । मंगलबार सम्पन्न अधिवेशनबाट उपाध्यक्षमा रूद्रबहादुर थापामगर, सचिवमा गंगा थापामगर, सह–सचिवमा शान्ति रानामगर र कोषाध्यक्षमा डा. तेजकुमारी रानामगर चयन भएका छन् । त्यसैगरी, सदस्यहरूमा तोरणबहादुर रानामगर, कल्पना थापामगर, प्रेमबहादुर थापामगर, वसन्त रानामगर, बासमती श्रीसमगर, सरिता रानामगर, मीनबहादुर रानामगर लगायत चयन भएका छन् ।
“हरेक राजनीतिक परिवर्तनमा सोझा मगरहरुलाई किन सेझ्याइन्छ ?”यसअघि, अधिवेशनको उद्घाटन गर्दै नेपाल मगर संघका केन्द्रीय सदस्य एवं गण्डकी अञ्चल इन्चार्ज झलकबहादुर रानामगरले मगर जातिको आदिम भूमि मगरातलाई तीन टुक्रा पारिएकोमा आक्रोश व्यक्त गरे ।
मगर जातिको इमान्दारिता र सोझोपनको फाइदा उठाएर राज्यले सधैं मगर जातिलाई उत्पीडन गरेको आरोप लगाउँदै रानामगरले नयाँ संविधानले मगर जातिको ऐतिहासिक थातथलोलाई छिन्नभिन्न पारेको बताए । मगर जातिको इमान्दारिता र सोझोपनको फाइदा उठाएर राज्यले सधैं मगर जातिलाई उत्पीडन गरेको आरोप लगाउँदै रानामगरले नयाँ संविधानले मगर जातिको ऐतिहासिक थातथलोलाई छिन्नभिन्न पारेको बताए ।
सो अवसरमा विशेष अतिथि नेपाल मगर संघ कास्कीका जिल्ला सदस्य एवं संगठन विभाग प्रमुख कर्णबहादुर थापामगर, बागलुङ–पोखरा मगर समाजका सचिव गजेन्द्र थापामगर, पूर्व सचिव कृष्णाकुमारी श्रीसमगर, कोषाध्यक्ष कृष्णा पुनमगर, निवर्तमान एकाइ अध्यक्ष क्षेत्रबहादुर रानामगर, उपाध्यक्ष चन्द्राकुमारी थापामगर, सचिव विना थापामगरलगायतले बोलेका थिए ।

सोमवार, 8 फ़रवरी 2016

कांग्रेसमा पुस्तान्तरः ४० वर्षमुनिका नेता भेट्न मुस्किल !

२५ माघ, काठमाडौं । एक जमानामा कांग्रेसका नेताहरुले भन्ने गर्थे – ‘कुनै पनि व्यक्ति २५ वर्षको उमेरसम्म कम्युनिष्ट बन्छ, तर २५ कटेपछि ऊ कांग्रेसमा आउँछ ।’ तर, यतिबेला १३ औं महाधिवेशनमा होमिएको नेपाली कांग्रेसको केन्द्रीय नेतृत्वमा २५ मात्रै होइन, ४० वर्षमुनिका नेताहरु पाउनै मुस्किल हुन थालेको छ । के अब कांग्रेसको नीति निर्माण तहमा युवा नेतृत्व विकासको सम्भावना सकिएकै हो त ? अहिले नेतृत्वमा रहेका सभापति सुशील कोइराला र कृष्ण सिटौलालाई छाड्ने हो भने सबै नेताहरु नेविसंघकै पृष्ठभूमिबाट आएका छन्, चाहे ती शेरबहादुर देउवा हुन् या गगन थापा । गगन थापा नेपाली कांग्रेसका कान्छा केन्द्रीय सदस्य हुन् । तर, उनी पनि उमेरले ३९ वर्ष भइसके । नेपाल विद्यार्थी संघबाट कांग्रेसको केन्द्रीय राजनीतिमा आएका गगन ०६२/०६३ को आन्दोलनमा सडकमा गणतन्त्रको नारा लगाउँदै चर्चामा आएका हुन् । गगन ३२ वर्षको उमेरमा सांसद भए । अहिले दोस्रो पटक सांसद छन् र १३ औं महाधिवेशननमा पदाधिकारीमा चुनाव लड्ने तयारीमा छन् । गगनलाई अपवाद मान्ने हो भने नेपाली कांग्रेसको नेतृत्वमा अब प्रौढ र वृद्धहरु मात्रै छन् । अहिले १३औं महाधिवेशनको तयारी भइरहँदा नेतृत्व छनोट प्रक्रिया देशभर चलिरहेको छ । गाउँ, नगर, क्षेत्र हुँदै आज जिल्ला सभापतिहरुको चुनाव हुँदैछ । तर, यो महाधिवेशनबाट पनि कांग्रेसको केन्द्रीय राजनीति (केन्द्रीय समिति) मा युवाहरु आउने सम्भावना देखिँदैन । गाउँ, नगर र जिल्लामा भने युवाहरुको अनिकाल केन्द्रमा जति देखिँदैन । योपटक युवा भनेर विश्वप्रकाश शर्मा, प्रदीप पौडेल र रञ्जित कर्णहरु केन्द्रीय समितिमा आउने प्रयासमा हुनेछन् । तर, यी सबै नेताहरु गगनभन्दा सिनियर नै हुन् । अर्थात ४० कटिसेकका नेताहरु हुन् ।

शुक्रवार, 5 फ़रवरी 2016

जापानमा नेपालीद्वारा ट्रेनको लिकमा हाम फालेर आत्महत्या

Tokyo Japan२२ माघ, काठमाडौं । जापानमा एक नेपालीले ट्रेनको लिकमा हाम फालेर आत्महत्या गरेका छन् ।
टोक्योको कामता बस्दै आएका वाग्लुङ, गल्कोट काँडेवास ९ का २१ वर्षिया ओमकार कँडेलले बिहिबार अपरान्ह आत्महत्या गरेका हुन् । उनले द्रुत गतिमा रहेको रेलको लिकमा हाम फलेर आत्महत्या गरेको जापानबाट सञ्चालित नेपाली पोर्टल टोक्यो नेपालले जनाएको छ । टोकियो ओमोरी खाईदान स्टेशनमा द्रुत गतिमा रहेको केइहिन केइक्यु लाईनमा एक्कासी हामफालेका कारण उनको घटनास्थलमै मृत्यु भएको जापान प्रहरीले जनाएको छ ।
कामतामा परिवारसहित वस्दै आएका कँडेलका बुवा टोपलाल कुक भिषामा कार्यरत छन् । उनले आत्महत्या गर्नुको कारण सहितको चिठी भाइलार्इ छोडेका र केही दिनयता आफना पुराना साथीहरुसँग भेटघाट गरेको परिवार स्रोतले जनाएको छ । सुसाईड नोटमा भाइलाई सम्वोधन गर्दै कँडेलले, ‘भाइ, मेरो आज अन्तिम दिन हो । कहिल्यै नफर्कने गरि टाढा जाँदैछु । कसैप्रति गुनासो छैन । म आफनै कारण जीवनबाट विदा लिँदैछु’ भनेर लेखिएका छन् । 

सार्क देशको श्रम मन्त्रीस्तरीय बैठक काठमाडौंमा हुने

 २२ माघ, काठमाडौं । दक्षिण एसियाली देशका श्रम मन्त्रीहरुको संयुक्त बैठक काठमाडौंमा हुने भएको छ । बैशाख २१ गतेदेखि काठमाडौंमा सुरु हुने बैठक २ दिनसम्म चल्नेछ । वैदेशिक रोजगारीमा रहेका कामदारहरु को सुरक्षा र चासोमा बैठक केन्द्रित हुने श्रम तथा रोजगार मन्त्रालय स्रोतले जनाएको छ। दक्षिण एसियाली देशहरुबाट ठूलो मात्रामा युवा कामका लागि विदेशिएका छन् । विशेषगरी मध्यपूर्बी एसियामा पुगेका कामदारहरु विभिन्न किसिमका जोखिम र समस्यामा छन् । उनीहरुलाई सुरक्षित र लाभदायक वैदेशिक रोजगारीको वातावरण मिलाउने विषयमा छलफल सार्क स्तरका सबै देशका श्रम मन्त्रीहरु काठमाडौंमा भेला हुन लागेका हुन् । बैठकमा नपालसँगै सार्क संगठनमा आवद्ध भारत, बंगलादेश, माल्दिभ्स, भुटान, पाकिस्तान, अफगानिस्तान र श्रीलंकाका श्रम मन्त्रीहरु सहभागी हुने वैदेशिक रोजगार प्रवर्द्धन बोर्डले जनाएको छ । सार्कको श्रममन्त्री स्तरीय बैठक गर्ने निर्णलाई नेपाल सरकारको मन्त्रिपरिषदले पारित गरिसकेको छ । बैठकमा उठाइने एजेण्डाहरु तय गर्न छलफल सुरु भएको प्रवर्द्धन बोर्डले जनाएको छ । 

घुस लिने पुलिसको हाकिमलाई पनि कारबाही गर्छुः प्रहरी प्रमुख अर्याल

रमेश धमला २२ माघ, काठमाडौं । नेपाल प्रहरीका महानिरीक्षक उपेन्द्रकान्त अयार्लले प्रहरी अधिकृतहरु नै घुससहित रंगेहात पक्राउ परेको घटनालाई आफूले गम्भिर रुपमा लिएको बताएका छन् । साथै उनले मातहतका कर्मचारीलाई निगरानी गर्न नसक्ने हाकिमहरुलाई नै कारबाही गर्ने चेतावनी दिए । पछिल्लो पटक ललितपुरका डीएसपी यदानिधि ज्ञवालीसहित तीन प्रहरी घुस लिँदै गर्दा पक्राउ परे ।
Upendra kanta aryalअख्तियार दुरुपयोग अनुसन्धान आयोगको टोलीले उनीहरुलाई पक्राउ गरेको थियो । प्रहरी प्रमुख अर्यालले शुक्रबार विहान महानगरीय प्रहरी मातहतका अधिकृतहरुलाई बोलाएर निर्देशन दिएका छन् । आईजीपी अर्यालले अब गलत काम गर्नेहरुलाई मात्र होइन, उनीहरुलाई निगरानीमा राख्न नसक्ने हाकिम नै कारबाही गर्ने चेतावनी दिएका छन् । अधिकृतहरुसँगको बैठकपछि अनलाइनखबरसँग कुरा गर्दै आइजीपी अर्यालले भने प्रहरी अधिकृतहरु घुससहित रंगेहात पक्राउ परेको घटनाले आफूलाई निकै गम्भिर बनाएको बताए ‘ललितपुमा पनि एसएसपीकै कमजोरी देखियो, त्यस्तो कमजोर नेतृत्व कारवाहीको भागिदार हुनुपर्छ ।’ नेतृत्वमा बस्नेहरुले मातहतका कर्मचारीको सपरिवेक्षेण नगर्नु कमजोरी भएको उनले बताए । उनले अब नेतृत्वमा बस्नेहरुलाई पनि कारबाही गर्ने बताए । पटक­-­पटक दिएको निर्देशन किन पालना भएन भन्ने प्रश्नमा अर्यालले भने, ‘निर्देशन पालना नगरेको भन्दा पनि व्यक्तिगत नियत गलत देखिएको छ । त्यसलाई सुधार गर्न कडा रुपमा प्रस्तुत हुन्छु ।’