फेसबुकमा लेखे ‘उपचारका लागि गएको’
काठमाण्डु, ७ वैशाख– नेकपा एमालेका नेता शंकर पोखरेलले अमेरिका भ्रमणको चाँजो अध्यक्ष केपी ओली र महासचिव इश्वर पोखरेलले मिलाइदिएको बताएका छन् । एक महिने अमेरिका भ्रमण सकेर नेपाल फर्केपछि उनले आफ्नो फेसबुकमा भ्रमणको फेहरिस्त लेखेका छन् । अमेरिका पुगेर उपचार गराएर फर्केको विषयलाई पोखरेलले सगौरव वर्णन गरेका छन् ।
जाजरकोटमा चार रुपैयाको सिटामोल नभेटेर जनता मृत्युको मुखमा पुगिरहेको बेलामा पोखरेलको स्टाटस आएको हो । उनले एक महिने अमेरिका बसाईमा १४ वटा औपचारिक कार्यक्रम भ्याए । अमेरिकाका १० वटा राज्यमा घुमे । एक महिनामा यति धेरै सक्रिय हुनुले उनी अमेरिका उपचारको लागि भन्दा पनि रमाइलो गर्न त्यता गएका रहेछन् भन्ने स्पष्ट हुन्छ ।उनले आफनो फेसबुक स्टाटसमा लेखेका छन्,
‘अमेरिका भ्रमण र उपचारका लागि प्रेरित गर्नुहुने पार्टी अध्यक्ष कमरेड केपीशर्मा ओली, महासचिव इश्वर पोखरेल तथा पार्टीका अगुवा कमरेडहरु, भ्रमण र उपचारका लागि आवश्यक खÞर्च जुटाउन व्यक्तिगत र संस्थागत सहयोग गर्नुहुने सम्पूर्ण सहृदयी मित्रहरु विशेष गरि प्रवासी नेपाली मंच अमेरिकाले गरेको सहयोगका लागि हृदय देखिनै धन्यवाद दिन चाहन्छु ।’
नेता पोखरेलका अमेरिकामा दुई छोरी, दुई ज्वाई, दिदी भिनाजु लगायत परिवारका धेरै व्यक्ति बसोबास गर्दारहेछन् । तर उनले आफ्नो उपचारका लागि केही व्यक्ति र संस्थाबाट पैशा लिएका रहेछन् । त्यो कुरा उनी आफैले फेसबुकमा लेखेका छन् ।
आम नागरिकले बिरामी हुँदा घर खेत बेचेर उपचार गर्नु पर्छ । तर नेता पोखरेलका शाखा सन्तान अमेरिकामा हुँदा पनि उनी त अरुसँग पैसा मागेर उपचार गर्न अमेरिका पुगेका रहेछन् । उनले आफ्नो स्टाटसमा के रोगको उपचार गरेको हो त्यो खुलाएका छैनन् । उनको स्टाटस हेर्दा नियमित परिक्षणका लागि अमेरिका पुगेजस्तो देखिन्छ । उपचारको नाममा अमेरिकामा मस्ती गर्नु मुख्य उद्देश्य जस्तो देखिन्छ । नेता पोखे्रल पुर्वमन्त्री पनि हुन् । उनी वैशाख ३ गते नेपाल आइपुगेका हुन् ।
कोई टिप्पणी नहीं:
एक टिप्पणी भेजें